مسلسل طائر الرفراف الحلقة 58 هل اكين سيؤدي سيران او فريد وتكون شخصيته مثل طارق ونكون قد خدعنا به
 |
| مسلسل طائر الرفراف الحلقة 58 هل اكين سيؤدي سيران او فريد وتكون شخصيته مثل طارق ونكون قد خدعنا به |
مسلسل طائر الرفراف الحلقة 58 هل اكين سيؤدي سيران او فريد وتكون شخصيته مثل طارق ونكون قد خدعنا به
الحلقة جميلة بشّكل ..
الحلقة بعنوان «حبل الكذب قصير»
«قانون الحياة مجبروين على الخضوع أمام أخطاءنا»
فضلاً انا عارفة أن كل شخص بيحب شخصية في المسلسل بس ممكن منربطش نفسنا بالشخص ، طبيعي الشخص ليه مميزات وعيوب ولا نبرر الخطأ بالظروف
أحنا مسؤلين عن تفكيرنا صح؟ يعني مدركين أن اللي بنفكر فيه ده من نوايانا فغلط نبص على ده بإنه معلش أنا مريت بحاجة صعبة من حقي افكر بالسوء .
ده حال « سونا »
تصرفها مكنش من بين يوم ولا ليلة لا ده من زمن
دايما نظريتها للحياة سـ وداوية ومتشائمة و الندم رفيقها
بتختار تحط نفسها في كفوف السعادة الوهمية والمؤقته ولما الوقت ينتهي بتحس قد إيه كان من الغباء تعمل كده
من أول يوم فريد حط عينه على سيران سونا ندمت إنها وقعت القهوة
يعني مش قسمة ونصيب من وجهه نظرها ؟!! .
لاحظوا عقلها الباطن ظهرت نواياها الحقيقية في خيالها مع فريد
كانت قاصدة تتحشر في حياة فريد وسيران لدرجة خيالها نطق على لسان فريد(كان كل اللي كان بيقوله لسيران وتعامله معاها )
زوجتي العزيزة اكثر جملة فريد بيقولها لسيران
تفكير سونا ناتج من وقت ما اختها مضت على العقد زواج في عنتاب
تفكيرها إن فريد هو اللي حياتها واختها سرقت حياتها
باريش رفع قلمه عن سونا وأظهر من البداية كانت تتمني تعيش حياة اختها وأن الكل بيفضل سيران وهي لا .
من بعيد نقدر نشوف قصة حياة سونا شخصية بائسة مستسلمة لظروف والحزن والمقصود من شخصية سونا ( حب الخير لأخيك فيأتي الخير اليك ) عمر الحقـ د ما بيولد سعادة قد ما بيولد هـ ـلاك
«دخول سونا غرفة السيڤار في وضع كلمة. game over هتنكشف نواياها الحقيقة قدام الجميع مثل بيلين لما دخلت مرة الغرفة والأن بتتجازي عن افعالها ..
سونا مش بتحب فريد ولا عايزاه
هي بتحاول تصدق عقلها الموهوم وتمشي وراه عايزة تفهم الصوت اللي جواها بيقول إيه
هي ما بين المعافرة ( فوقي يا سونا ، قربي يا سونا ، مينفعش يا سونا ، ينفع يا سونا )
لكن فريد معاه حق .
هي لا تستحق عابي ولا كايا لأنها أختارتهم كهروب بتعمل عليهم تجارب لسعادتها الوهمية وبتكتشف إن ده مش مكانها
هي لأزم تخرج كل اضـ طرابات دي وتكشف كل حاجة جواها عشان تقدر تفهم نفسها
اه هتخسر اختها بس هيرجعوا لان علاقتهم مش مجرد خيط ضعيف بس على اقل سونا هتكتشف إن اختها هتكون دعم ليها وقت ما تقع
وتكتشف ان فريد بيحب مراته
و هي الدخيلة بينهم .
«بيلين »
شخصية مرعوبة كل ما تترعب كل ما عقلها يتلغي كل ما بتفضح نفسها
ذنوبها كانت بتحوم حواليها ، كانت لأول مرة تفهم يعنى إيه عقاب
وجود إنها حافية القدمين يعني اتعرت قدامهم من حقيقتها
كل ما تخاف تكـ ذب لحد ما الكـ ذب مبقاش ليه نهاية غير نهايتها = عملت لنفسها نهاية
بالرغم إنها لجأت لعواطف فريد واستغلت تعبها مقتنعش
استغلت وقالت سرتار اللي مهووس بيا وفاكر عمل ايه مقتنعش
لجأت أنها تسخنه بفعلة سيران معاه مقتنعش
لقت كل المحاولات صفـر أتاكدت إنها خسرته بشكل مباشر
وخسرت سرتار ،خسرت الطفل ، خسرت الحياة الوردية اللي كانت عايزاها ، خسرت خالها وحياتها العائلية
أصبحت وحيداً
نهاية الظــلم =دفعتها كتير ... وبما إن باريش غير السيناريو فنهايتها حاجتين .
يا تنتحـر لو لسه باريش على نفس الفكرة القديمة
يا هتعيش باحساس الذنب وابنها دفع ثمن ظلــمها لناس وتبني نفسها من جديد وتتعالج من فكرة إن فريد محور حياتها وتعزز نفسها يكفي إنها اتفضحت وهتتطرد وهتتهان
التحليل مش حل لأن هي هتعترف ويعتبر دي أول خطوة ليها في أحياء ضميرها وبعديها خطوة اصلاح نفسها ومن حق كل شخص فرصة إنه يصلح نفسه المسلسل كله ناتج عن اخطاء وتربية غلط من اهاليهم .
«فريد»
الخوف مش خسارته لطفل
الخوف الحقيقي هو تصديق الحقائق وإنه السبب لمرة اللي ميعرفش الكام في تخـ ريب حياته بنفسه
دايما مش مقتنع إن بعض تصرفاته بتؤدي غيره للهــلاك دايما ثقته في الناس بتخليهم يتلاعبوا بيه
كل فكرته هو إنه ميكونش السبب في خراب منزله
خراب الحياة الجديدة بينه وبين مراته وكان نهايتها أبوه بيدفع ثمن افعاله كل حاجة حصلت هي سلوك بتوصل لبعض بس العبرة بداتت ازاي ... !
فريد فعلا مش بيتمسكن قدام سيران هو فعلا ضايع من غيرها
النوبه مش بيرتاح غير لو هي جمبه وتعرف تخرجه منها
الغضب مش بيهدأ غير بـ كلمة منها
بيتعلم على ايدها ازاي يفهم الحياة ويحي من جديد .
بالنسبالي أكثر مشهد ليهم حلو من أول المسلسل هو مشدهم في العربية ( هدوء مشاعرهم وهما بيحكوا )
سيران بتحكي إن السبب الحقيقي هو كـذبه باستمرار وهيفهم ده لما يدفع ضريبة الكـ ذب في اذ*ية نيفرا لسيران او حد من اهله لأنه مبيفهمش غير وقت الفعل مش الكلام
بعد مراته عنه والطفل وسجن ابوه واذية مراته وصدمة عائلته في جحود قلبهم معاه واستغفاله بالكذب = ذنوبه محدش بيهرب من افعاله الكل هيشرب من نفس الكأس
وبيلين اذ*يته نفسيا بالكـ ذب واستغفال واستخفاف = نفس اللي عمله لسيران
خدع نيفراهترد الخدعة ليه .
بيكشف الوشوش اللي حواليه من الصدق من الكذب
بيكشف الخداعات
الثقة أمتى تثق وأمتى لا
الصدمات بتهل عليه بالتدريج
سيران كل اللي بتدور عليه هو استقرار النفسي
وقوفها جمب بيلين مش عشان غبيه
ونفسي نفرق بين الشخص الجاحد والشخص اللي عنده انسانيه
هي بتكـ ره الأجبار لأنها اتحطت فيه
بتكـره إن حد يمس المرأة بالسوء حتى لو اللي قدامها مين بس هي مش بتمشي بمبدأ عدوي يفضل عدوي وقت الشّدة .
غضـبها من فريد انتهي
بتعيش حياة كبنت عايزة تعيشها مكالمات وكلام حلو وتبدأ تثق فيه بالتدريج ومطلوب منه يبني الثقة فيها مش الحب وابتدا يفهم طموحات سيران الحقيقية اللي أكبر من كلمة بحبك
كل ده بداية ايجابيات في اصلاحهم .
«كاظم » هو اللي بيتمسكن بيجر ناعم لسيران عشان عارف طريقته معاها وقت طارق معرفش يجيب معاها حق
فالمرة دي بيسحب ناعم عشان توافق من غير تعصـ ب لأنه عارفاها مش هيهمها حد
سحبها القصر معاه خطوة
سحبها للعشاء خطوة
وماشي بالخطة لحد ما هيتفاجئ إنها هتاكله لأنه غبي لو فاكر سيران المرة دي هتختار تهرب او تخاف
وحاسه كده يخواتي إن التهمة اللي حصلت لأورهان الكل معتقد إنه من تدبير كاظم أو عكاش
بس أنا حاسه يا نيفرا يا حد تالت .
عابدين مش فاهمه دنيته إيه غير إنه مستسلم بالأجبار مش مستسلم برضاه في حاجة بتخليه رافض يعيش حياة مريحة
الحلقة دي اكدتتلي إن عابدين في حاجة ربطاه
كان سهل يقدم لسونا مشاعر واحتواء وقتها بس أختار الصمت
سابها تجوز وعلى اخر لحظة مفكرش يقولها هو ليه بيتعامل كده
كل مرة بحسه مجبور على السكوت
هو اللي ظاهر إنه سلبي بس هو مش سلبي دموعه كانت الف دليل .
الأحداث داخلة في دعم فريد وسيران في مصيبة بعض
ما المصايب بتهل علينا
وعلى فكرة عكاش مريحنيش وشكله هيلعب بديله من ورا كاظم وكل اللي كاظم بيخططه في صمت هتيجي على دماغه
«كل شخص هنا بيكتب نهايته بنفسه »
بالمناسبة المجهول اللي شاكة فيه هقولكم عليه الفترة الجاية أنا شاكة في مين 🤎.
بقلم : Enas Abdullah
تعليقات
إرسال تعليق