مسلسل طائر الرفراف الحلقة 74 واخيرا كشف الحقيقة بخصوص فريد وسيران
 |
| مسلسل طائر الرفراف الحلقة 74 واخيرا كشف الحقيقة بخصوص فريد وسيران |
سلام للحلوين ✨
طبعا أعلان تشويقي مجرد فكرة عن الموسم فالأعلان بيكون مشفر مش موضح..
*.. شفت في الأعلان لبس سيران القديم قبل الزواج وشفت في قد إيه مبسوطة كطفلة في حضنه وقد إيه بتعافر عشان تروحله بس مش عارفة
*.. شفت في فريد شخص صامت، غامض، ثابت، شم ريحة شعرها وكأنها الأخيرة
*.. شفت التيار كان قوي وأقوي من مشاعرهم وتمسكهم وسيران بتعافر عشان تروحله وفريد مستسلم للقاع ويمكن ديه النقطة لو فريد كان عافر وعرف يعوم كان هيوصلها لكن قوة استسلامه وراها سر هنعرفه مع الحلقات
*.. كفكرة تقديم الترويج حلوة لأن سيران وفريد في البحر وديه شخصية فريد الماء هو أختفى في القاع وهي رفعتها الماء
ده مش معناه هيرجع لنقطة الصفر عشان شايفكم ياللي هتقولوا الجملة ديه
القاع المقصود بيه إنه رجع لوحدته
*.. ندخل على الكلام
(عندما نتواجه مع المـ وت لمرة واحدة، يصبح الأنسان شخص آخر، تحصل في الحياة ما قلنا عنه لا يحصل بينما كنت أقول لا أستطيع التنفس بدونه وأني نظرت أختنق بوجوده فتتعلم العيش كشخص جديد)
الكلام بيعبر عن بنت بتحكي مع نفسها أو شخص قد إيه بتعاتب
لكن بتقول المـ وت خلاها تشوف الحياة بنظرة مختلفة مش كل حاجة نفسنا فيها بنلقيها ومش كل حاجة مش عايزينها مش هتجيلنا
هو بعيد لسه متوضحش سبب فراقهم بس متأكدة في سبب قوي اجبرهم على الرحيل عن بعض
من وجهه نظري فريد ضحى بيها لأجل شئ يهدده فمطلوب منه التنازل عن سيران لأجل تعيش حياة طبيعية بدون مخاوف عشان كده بقول استسلم للقاع وسابها تطلع للنور وللحياة
فهى بتعاتب بنبرة بعد ما كنت بحبك اجبرتني محبكش
عشان كده عابدين فريد تنازل عنه واعطاه حريته يعيش حياته ويهتم بيها!!!
عشان كده غضبها منه هيكون أقوي عندما يلتقوا
في حالة لو وجهه نظري ده الصح!!
كل شخص منهم هيعيش بحياة جديدة
ورحلة جديدة وفردية
رحلة قوية واثبات نفس
أتمنى أكون شرحي وصل ♡
الفكرة شخص من أعراضه الشخصية الحدية وقد إيه صعبة لما الشخص بيمارسها
وعنده تعلق شديد ورهبه من الوحدة والخسارة
وبيتجنن لو الشخص المتعلق بيه بعد عنه
وبيفقد كل حواسه وعقله ومش بيبقى مستقبل أي افكار وكل تفكيره عند اللي مشي وسابه
فلما فكرت إنه هو الشخص اللي أنفصل عنها
فبكده اثبت مهارة نفسه وإنه قدر يتحدى مرضه بصعوبة بس عواقبه هتكون صعبة
سنتين بعيدًا عنه، سنتين عاش من غيرها، سنتين بيعمل كل حاجة لنفسه، سنتين بيفكر في قصة حبهم واللي عاشوه مهما شاف ومهما مر مش هيشوف أجمل من الأيام اللي عاشها معاها
كانت السبب في إنها تخرجه من الظلمة للنور
كانت السبب إنه يتكلم وميكتمش جواه
كانت السبب إنه تدعمه نفسيًا أكثر من أهله
كانت السبب في إنها بعدته عن الحياة الغلط والبنات ويحب الحياة ويحب نفسه
فاجئة يكون هو السبب في بعادها عنه لأسباب لا نعرفها لسه
بس كونه الشخص المتعلق جامد هو اللي يتنازل عن الحاجة اللي متعلق بيها أعرف إنه تقبل مرضه
ديار وأي شخصية جديدة مش شرط زواج لأن فريد عقله حاليًا في الزمن اللي تم فيهم انفصالهم لا هبحب جديد ولا هيعيش تحربة زواج جديدة
لكن صداقة أها وبصعوبة لما يكون صداقة فهيكون ديار عملت إيه مهم يخليها كسبت صداقة فريد..!
ممكن السبب عشان المرض وعشان هي عايزة تخلف ولو خلفت هتمـ وت وهي عايزة تعمله اللي يفرحه وتخلف فهو هيعرف السبب ده ويختار يبعد عنها..!!!
ولا السبب وقت مـ وت أكين المسدس أختفى حد اتهمه فهو خايف عليها من تهديدات العصابات فعايز يبعدها عنه...!!
ولا اتخانقوا واتقمصوا فمسكوا بعض غسيل ومكوي وتهزيق فانفصلوا بكل تحضر وأخلاق.!! 🦦
عشان كده بعد وراها وراها عابدين لما قررت تسافر...!!
يعني هيعيش حياة قاسية على نفسه
تنازل عن اللي بيتمناه وتنازل عن اللي بيتعلق بيه وبعد صديقه عنه
وبقى وحيد من كل اتجاهات زوجة وحبيبة وصديق ونفسه حتى!!
عشان كده سيران قالت جملة
(فتتقبل كل ما كنت تقوله لا يحصل، فتصبح شخص جديد)
الفكرة لو فعلا هو اللي بعد عنها هيكون هي أول شخص لما ترجع سواء غضبت او عملته بقسوة نفتكر إنه حق من حقها لأن خارج الصورة مش فاهمة غير إنها اتعرضت للخذلان والصدمة
وزي ما اتنازلت عنه عشان تحميه من اكين
المرة ديه فريد هيتنازل عنها عشان يحميها من حاجة
وزي ما فريد عافر عشان يرجعوا ومستسلمش كتير
المرة ديه هي هتكون بتعافر عشان يرجعوا ومتستسلمش
هي زي ما قالت لدكتورة باستغرب هو متمسك بيا ومش مستسلم بالرغم أنا في اوقات كنت بستسلم فهي حاليًا بتعيش صدمة إنه أستسلم فعلاً فهنشوف قوة تمسكها بيه لما تفهم الأمور وتتوضح
مش هعمل الف سيناريو من مجرد تسريب إسمه إثارة جدال
بيقيس بيه غضب الاتراك ويا يتغير المشهد يا يفضل
مشهد انها مع سنان وأيد بأيد
وفريد مع ديار وأيد بأيد
مش بمكن بدأوا حركات العناد في بعض!!
ماهي شافت فريد واستخبت منه
وفريد شافها واستخبي منها
وهوب هيتقابلوا فلازم الحناكة بتاعتهم تشتغل 🏃♀️
ما نصبر على الحلقة
مش فاهمة مستعجلين على النكد ليه! 🤌
كل اللي بتشوفوه ده حركات اونور واثارة جدال ده بيغير السيناريو في المرة مليون مرة
مش بنتعلم من إثارة الجدال بتاعته من الموسمين اللي فاتت خالص!! لسه مصممين تصدقوه مهما ينزل!!
حبايبي العصبيه بتيجي لما بتشوف الحلقة مش قبل والله روقوا روقوا خلى مزاجكم رايق واسمعوا كلامي no تسرييات عشان صحتك تبقى فل
بقلم ايناس عبد الله
تعليقات
إرسال تعليق