طائر الرفراف الحلقة 62 مترجمة للعربية
 |
| مسلسل طائر الرفراف الحلقة 62 اعلان 2 مترجم للعربية |
مسلسل طائر الرفراف الحلقة 62 سرتار واكين يتفقون ضد فريد
زواج كايا سونا كان بسبب غلطه وهي دخول سونا غرفة كايا وتقبيلها له ترتب ده انهم يتزوجوا بس الزواج خرب وهنا خلاص حجة كايا انه يتزوج منها خلصت ومش هيبقا ملام انه متجوزهاش لأنه عمل إللي عليه بس كايا ليه راح لسونا وحاول يقنعها انهم يتجوزوا وهو بيعيط ولحد ما كل مبرراته خلصت جاب حجة الانتقام برغم ان سونا أصلا مش هتفيده في الإنتقام بالعكس هي هتبقا حمل عليه في موضوع الانتقام ده بس عشان يقنع سونا قاله كايا كان فعلاً خلاص تكون عنده رابطه عاطفيه قويه اتجاه سونا لدرجة انه راح اتخانق مع امه وراح كلم سونا وقابلها وقعد يقنعها أنه يتزوجها واللي يخلينا نتأكد أن أصلا كايا سبب زواجه لسونا مش الأنتقام هو فين الأنتقام اصلا؟ كايا قال لسونا .
" اردنا أن ننجب طفلاً ولكن كيف سننجبه في هذا الجنون ما رأيك أن نذهب لندن وهناك نبدأ حياه جديده وهناك ستقدرين ان تصبحي انسانه جديده كما اردتي"
كايا تخلى عن انتقامه أساسا من أول ما تزوج سونا لأن الإنتقام ده كان من نابع جانب الشر ولكن سونا كانت محفز لجانب الخير فكفرة الإنتقام أو جانب الشر ماتت عند كايا وجانب الخير كل هدفه انه يبني عائلة سعيده مع سونا بس بعد ما سونا تغيرت بقت محفز لجانب الشر فرجعت فكرة الأنتقام تاني بس كايا خلاص حب سونا ف بقا عنده صراع حقيقي بين كل جانب وجانب الشر ضعيف قدام الخير لان جانب الشر كان بيخضع لسونا أصلا .
طب ايه إللي خلى كايا ينفجر بالشكل ده وهو بسبب غضب جانب الخير و الشر مع بعض كايا كان بيشل ويعدي حاجات كتير أوي لسونا وكان بيعذرها كتير لحد ما خلاص حس نفسه مغفل وإنها بتحاول تهرب منه بأي شكل وده حاجه تجرحه لأنه بيحبها كايا قالها " اردت منك شيء واحد فقط" ومن رأيي هو أراد الحب
هنا نيجي لسونا أكتر شخصيه معقدة في الحياه بجد متفهمش هي عايزه أيه ولا بتفكر في أيه لأنها ذات نفسها مش عارفه سونا حلمها كان تكوين عائلة سعيده ده كان حلمها وللأسف تحطم ٣ مرات أول مره لما فريد أختار سيران عليها تاني مره لما عابدين استسلم وسلمها لطارق أول ما شافه تالت مره لما تزوجت صفوت .
عارفين لما بيقولوا من كتر ما دخلت علاقه مع ناس توكسيك يوم ما تلاقي الشخص الصح تبقا أنت التوكسيك حرفياً ده إللي حصل مع سونا بس من وجهة نظري سونا فعلاً تكونت رابطه عاطفيه نحية كايا وفي مشاعر جواها اتجاهه بس هي بتحاول تتجاهلها وده بان أوي لما قالها أنا بحبك واحده عايزه تتطلق والمفروض انها مش بطيق جوزها ليه تتأثر بأعترافه لدرجة أنها تقعد تعيط المفروض لو هي مش طايقه حتى تبص في وشه وعايزه تتطلق ميفرقش معاها كلامه وتجاوبه بقسوه كمان
على العموم أنا مبسوطة أوي بالأعلان وعايزه اعرف رد سونا هيبقا وكايا هيعمل ايه .
عندي وجهه نظر في موضوع سونا والعرافه او الدجاله بمعني اصح
بما أن في طبيبه نفسيه مشرفه علي احداث المسلسل وبما أن المسلسل بيناقش امراض حقيقه واحداث واقعيه موجوده في المجتمع فمن العبث أنه يظهر الدجاله كشخص يؤخذ بكلامه أو أنها صادقه فعلاً وطريقتها صحيحه
وكطبيبه نفسيه مشرفه علي المسلسل اكيد مدركه أن الدجالين عمرهم ما كانوا حل للامراض النفسيه وانما الحل هو الطب النفسي واكيد هي مؤمنه بوظيفتها عشان كدا استخدمت شخصيه سونا فإنها تظهر حاله مرضيه اتجهت للدجل والشعوذه والخرافات وان الحاجات دي هتزيد مرضها ومعاناتها اكتر .
لكن في نهايه القصه لما تروح للطبيبه تتعالج نفسيا هيكون دا الحل الامثل
وبكدا تدي بوينت للطب النفسي عن الدجل والشعوذه وإنك كمريض نفسي تتجه للطبيب وليس للمشعوذ
والمفروض أن كل الكلام اللي المشعوذه هتقوله مش هيكون صحيح
الحل انهم يظهروا أن الدجاله دي متفقه مع ايفاكات واسومان ودا سبب جمله اسومان أن الدجاله قالتلها انك هتفضلي لوحدك في الاخر .
او أنه يعمل احداث تنفي كلام الدجاله ودا حصل لأنها المفروض بتيجي عشان تقلل توتر القصر لكن الكاتب علي لسان اسومان وضح أن التوتر بيزيد ومبتفيدش بحاجه ، كمان الكلام اللي قالته لسونا كدا كدا غلط ، وبالنسبه للجمله اللي قالتها لاسومان ممكن في النهايه ترتبط بحد جديد وتكمل حياتها مع شخص عادي
دا في حاله أن العرافه مش مزقوقه من ايفاكات واسومان
حاجه كمان برا عن موضوع البوست
العشم والموده والحب المفاجئ بين سرتار واكين دا معجبنيش وحسيت أن الكاتب بيرتب لتحالفهم ضد فريد لأن اكين دا مش سالك .
تعليقات
إرسال تعليق