مسلسل طائر الرفراف الحلقة 59 تسريبات جديدة وقوية
 |
| مسلسل طائر الرفراف الحلقة 59 تسريبات جديدة وقوية |
مسلسل طائر الرفراف الحلقة 59 تسريبات جديدة وقوية
المسربة بتقول سارتار حايلاحق فريد في نهاية الحلقة 59 يعني وقتها سيران و اكين بيتعشو سوا و فريد يعرف و يروح عندهم فيكون سارتار و رجالو يلاحقو فيه عشان ينتقمومنو ( و اليوم حايصورو القفلة و اللي موجودين سيران و اكين فريد و سارتار ❤️❤️❤️❤️❤️
تتوقعوا مين اللي هيتصاوب 🤔🤔🤔
فريد ام سيران
أنا معاكم هتعـصب لو نهاية بيلين ديه بس أكيد لا بقول لسه الحلقة الجاية هتظهر وعقابها تشوف بعينها خسارة ابنها وفريد وسرتار واتفضحت .
محتاجين نفرق بين إنسانيه والجحود
إزاي فريد يزعل على بيلين % إزاي سيران تطبطب على فريد ونسيت افعاله
لأن قلنا فاقد الشئ هـ يعطي وبقووووة
فريد وسيران وقت الطرف التاني ما بيقع في مشكلة بيركنوا الخلافات والردح على جمب ويظهروا إنسانيتهم .
سيران لما دشملتهم وأبوها اتخطف سابه مرمي؟ ما لو هيتعامل بجحود أهله هيقول يستاهل محدش قاله العب معانا
هو مش هبرر افعاله معاها ولا هبرر افعالها معاه بس نحط تحت كلمة مضـ ـطربين خط (مرضـ هم اللي بيبعدهم لكن مشاعرهم الحقيقية هي اللي بتحركهم بقرب بعض )
حبيت البداية التصوير من زواية فريد واقف والجميع خلفه كانت بمسابة الدور كل واحد عقابه قادم والحياة بدأت بفريد وخلفه هاليس والقادم جاي على الباقي .
الحلقة عاطفيه جدًا جدًا جدًا
خلينا متفقين بيلين مش غلطانه لوحدها الحمل يُشمل فريد دخلها حياته جبرها في حياتها لحد ما تحول اعجابها للهوس هاتولي بنت واقعيه مشوفتهاش اتهوست بشاب بتحبه واتعالجت من التعلق الزائد منه ..!
قصة بيلين قصة بنت شاب أوهمها وبالمفاهيم الخاطئة
على راي كايا( وهي مش مجبورة تدفع أفعالها بشكل كامل ) يعني عليها النص وعلى فريد النص )
فريد كان لأزم يوضح لنفسه ويعمل حدود بس هو كشخص مكنش عارف يرتب افكاره
وحزنه عليها لأن بينهم عشرة وسنين وذكريات مش يوم وليلة ولأن عواطفه سابقاه فدموعه طبيعيه جدًا ومش شايفه إن الدموع نستهزء فيها الشخص الحساس أوي دي طبيعته البكاء فعلا لأنه بيتأثر بأي حاجة .
ده حتى سأل سيران أقولها إيه يعني هو مش عارف يتصرف لسه عايز حد يوجهله دنيته ، فريد حياته كلها عك بسبب أهمال عائلته لدرجة خاف المرة دي يتعامل مع بيلين ميصرفش صح وكان ممكن يقتـ ـلها بغضبه بعد ما عرف التحليل فأختار حد يوجهله يعمل إيه وكونه أختار سيران بالرغم الكل شافه بجح بتعيط قدام مراتك على حبيبتك لا مش بجاحه لأن سيران عارفه إن نيته وهو جمبها مش بكاء حبيب بكاء صديق لو كان بكاء حبيب مكنتش فضلت موجودة.!! .
تأثير سيران كان قوي على شخصية فريد
الكل شاف بعينهم إن فريد صعب حد يوقف نوباته سوا غضـ ب أو بكاء أو هلـ ع
هاليس خاف من فريد ومعرفش يهديه غير بأبوه
عابدين معرفش يهديه وسابه يطلع غضبه في سرتار
جولجون معرفتش تمسكه في حضنها وفر
عابدين قال مش راضي يكلم حد بس هيكلم معاكي .
سيران قدرت تتحكم في غضـ به عن طريق حضنه زي اطفال وفي نوبة الهلع بتقدر تتحكم فيه
بتخليه يبدأ يكلم يبدأ يقول اللي حاسه لوحده
هل كان بيعمل كده مع حد؟ هل قبل كده بيقول انا خايف وبيظهر ضعفه ؟؟
جماعة سيبكم من بيلين إزاي محدش بيشوف التطور اللي بيحصل في السيڤار كعلاج بيستجيب فيهم .
بتقولوا باريش ساب إيه لسيران لو عملت حادثة
فريد هيلاقي دنيته خلصت / مش هيلاقي كتف يبكي عليه / حضن يقوله هتعدي المحنه/ كل ثانيه هتعدي كأنه مستني أعـ دامه / كل ما الدكتور يتأخر هتجيلع نوبة هلع / هيحء قد إي الدنيا صغيرة وهو كان بيضيعها من أيده / هيفتكر كل حاجة معاها وبالرغم إنه أذاها بس فضلت جمبه ودعمته /مش هيلاقي حد يمسح دموعه / ولا حد يتصل عليه يقوله أنا خايف عايزك جمبي .
بالرغم أهله هيبقوا جمبه بس محدش عمل ده في حالته مع بيلين ما بالك لو سيران اتصـ ابت هيعرفوا يعملوا ده ؟ لا
هنشوف في كاظم
ضعف الأب / قهرته على اللي عمله معاها / أذيـ ـته ليها / هيفتكر وقفت جمبه بالرغم اللي عمله / الخسارة هتعلمه هو خسر إيه
هنشوف في سونا
رعبها على اختها / عدم وجود اختها جمبها هتفهم هي بتخسر إيه
باريش بيمهد لأصابة سيران بس الأول بيسيب ليها مع الكل حاجة عشان يعرفوا قيمتها وقت ما تبقى بين الحياة والمـ وت عشان نعرف قيمة الشخص اللي معانا بس الندم مبينفعش وقتها .
بالنسبة سونا
فاكرين مشهد لما شافت ابوها وزيراين وسكت
هل بقى المرة دي هتسكت ولا هتقول لكاظم سيران وفريد بيتقابلوا في السر .....؟
طب لو اه هتقول ونعتبره طبيعي لعقلها المضطرب ليه مقالتش وقتها لسيران على زيراين ومنعت الطلاق ..؟
هتقولوا كانت خايفه هقولكم معاكم حق عشان مش قادرة اتجادل في سونا بجد 😂 .
بس نركز تصرفها نابع من شخصيتها الضعيفة والأزمة الأسرية المتفككة اللي مرت بيها وافكار مضاربة فمن أول حلقة والله هي بتعافر انها متظهرش نواياها لكن أخر ما الضغط زاد على عقلها دورت على حد يستخرج اضطـ رابها على قد ما بتحب اختها على قد ما لسه هتخرب بس القيمة الحقيقية اللي هتعرفها وقت ما تنكشف نواياها وتخسر اختها يا تشوفها في المشفى يا تتواجهه معاها
بس كايا هيروق عليها بصراحه لأنها ناسيه نفسها قدامه خالص وإنه جوزها وفريد ليه زوجة تخاف عليه من أمتى يسونا قلبك على بيلين أوي 🤡.
اختبار حلو ليكم بقى
عارفين لما تتعرفوا على حد وتقولوا لا طيب اوي ويطلع الطيب ده الخازوق وتقولوا لا اتعلمنا ويطلع الخازوق المليون ولسه بتقولوا اتعلمنا هو ده اكين المرة دي طيب بالنسبالكم ابقوا سلمولي على طيب 😂
عشان قولتلكم احذروا منه
سقفه ليا بقى عشان اكين طلع مشكوك فيه
وسقفه ليا عشان قولتولكم مش هاليس ده عكاش اللي بيربي أورهان 🤩.
قوة هاليس الحقيقة مش بالفلوس ولا الأسم
القوة الحقيقية هي النية وحب الخير للغير
وقت ما جه يحتاج يعمل حاجة أكتشف لا أسمه ولا مكانته حققوله اللي عايزه
الكل قدر يفر منه وقت الشدة عشان هو نيته شر
لكن فريد او سيران وقت ما التاني بيحتاج حاجة نيتهم خير فبيلاقوا اللي يساعدهم والدنيا بتسهل ليهم بعيد عن شخصياتهم الوحشه او الحلوة .
وفوق كل ده بنت قدرت تضحك عليه بطفل تاني واتعرض لاستخفاف
كاظم مش عارف بتصرفات عكاش وعكاش واخذ كاظم كوبري لأنتـ قامه وسيران هتبوظ وعد كاظم عشان عكاش لعب بديله فبكده باريش بيفك الحبال من بعضها لا في زواج سيران من اكين ولا طلاق من فريد
كاظم المرة دي الحبل هيلف حوالين رقبته لأنه مخدش اللي حصله عبرة بس بيرمي نفسه بعائلته كاملين على حجر الخطر لان عكاش
هيستلم أورهان وأكين هيستلم سيران
نيفرا مش هتصبر زي بيلين نيفرا اخرها تروح لهاليس ودي محاولة تانيه ترعب فريد بس فريد هيكبر دماغه منها
فنيفرا قدامها لعبتين لأنها مش مطولة
تكشف تصميمات هاليس المزيفه ويتفضح
أو حـ ادثة لسيران وقت حملها ويبقى موازي لبيلين وحملها بس المرة فريد هيدفع الثمن اقوي بمراته وابنه الحقيقي بس محدش هيمـ وت بس هيعيش لحظات مرعبه مش هينساها في حياته .
بالمناسبة ايفاكات مبقتش تكلم سونا ملاحظين من بعد كلام العراقة مع سونا ...!
اخر حاجة سيران بتعمل كده عشان عندها رحمه من كثر ما بنتفرج على شخصيات كلهم قلوبهم سوداء فمستغربين طيبة سيران ورحمتها كأنها حاجة عجيبه في زمنها الغلط
بس هي قالت( لو حد هيدفع الثمن ويكون روح فانا مسامحة ) مين يحب الشماته .!!! قلبها كويس ونظيف
مبتفتكرش السواد لحد وقت ما بيقع .
لغت عقلها واستعملت قلبها وجود فريد محتاجلها خلاها نست كل حاجة قدام نظرته كأنها أمه مش جولجون
هي نفسها قالت ( أحنا انفصلنا بطريقة صعبه وصعب نستمر ) يعنى مدركة لكل ده عشان ترجع فريد لأزم يبني عندها الثقة من جديد
يخليها تصدق إن السعادة موجودة
طعم الفرح موجود
فطبيعي هيعيشوا حياة زي المخطوبين لحد ما عقدتها للرجوع تتفك ويمحي كل الغضــب اللي جواها
المسلسل بيعلمك إن المـرض ملهوش سلطان
وإن الهوس بيعمل أسوء من كده
وضعيف الشخصية بيختار شخص غلط يختارله طريق
الشماته لا
عواقب كل واحد على افعاله
الثقة اوقات بتخدع وتزيف
الأم خسرت بنتها بسبب اهمالها
الأهل تربيتهم بتنعاد عليهم بعيالهم
القسـ وة بتولد قسـ وة مش تربية صالحة .
تعليقات
إرسال تعليق