مسلسل طائر الرفراف الحلقة 55 هل سيران ستعود لفريد؟
 |
| مسلسل طائر الرفراف الحلقة 55 هل سيران ستعود لفريد |
هل سيران ستعود لفريد؟
مبدائيا كده أحب أعرفكم باضطرابات قبل أي حاجة
*أضطراب تعدد الشخصيات
*اضطراب الشخصية الحدية
*النرجسية
*اضطراب الشخصية العقلية
*اضطراب الشخصية الاعتمادية /المتجنبة
*اضطراب الشخصية ثنائي القطب
ولسه واقفين عند نقطة ( يالهوي فريد وسيران مش هيرجعوا ) ميرجعوش يجماعة لو أطلب الأمر ولو أطلب يرجعوا يرجعوا عادي .
هقولكم الخلاصة في نقطة ( فريد وسيران عشان يرجعوا لبعض مطلوب منهم ينتهوا من كل سلبيات من أول زواجهم لحد ما شافت بيلين ببطنها شبرين /يعموا يأذو*ا بعض ينتقمـ وا من بعض هما رافضوا يحكوا لبعض هما مجرو*ين من أهاليهم أزاي فبيحكوا عن طريق انتقا*م في بعض لما ينتهوا وقتها هيقدروا يحكموا هما عايزين إيه / كل واحد ماشي في طريق معتقد إن طريقه غير التاني بس مهما يعيشوا ويعملوا حياة هيكتشفوا إن طريقهم بيتجه عند التاني وهيلتقوا في نقطة ما )
* بالنسبة لمشاهد فريد ونيفرا سبق وشرحت لصديقة هنا بيني وبينها وهي فهمت اللي عايزة أوصله هحاول الخصه ..
قصة حياة فريد عبارة عن بنات وبار ونوم صح..؟
صح كده أول حد كان بنات مجرد ليلة وانتهت جات بيلين بقت ليلة ثم أيام ثم شهور ثم 3 سنين فرفض إنها تعيش حياتها بعيد عنه لأنه عنده حاجة أسمها الخوف من (الهجر ) يعنى كده شخصيته فيها نقط ( التملك والتحكم وعدم الهجر )
دخلت سيران حياته ابتزز بيلين عاطفياً وأقنعها توافق على الزواج وحصل فعلاً مع أعتقاده إن سيران هتقع زي بيلين بس أصدم إنها لقمة صعبة على قول عابدين فحب قوتها وطريقتها وقدرت تغير فيه نقط من شخص مفتقد الأمان والأحتواء وكان بيعض في أيده لما بيتوتر لشخص بيجري عليها ويحس بالأمان عندها وابتدء يتغير نقط في شخصيته بدون ما يحس لحد ما ظهر عليه خوفه من هجرانها قلب بهو*س بما إنه رافض الهجر لحد ما جه الأوان ومش واخد باله إنه أتعالج من عدم الهجر وترك ( بيلين تبعد عنه وقالها على بيت خالك )
(سيران سابها تشتغل وتعيش حياتها )
لكن متعالجش ١٠٠٪ فطبيعي وجود نيفرا هي جلسته الأخيره اللي تثبت مين هينتصر المرض ولا فريد
قبلته في العربيه = مسح بوقه بس اللي يركز
طب ليه سمحها تقرب كده
لأن فريد القديم مكنش بيسمح لبنت تقبل بس كان بيروحلها البيت كونه من بيت لقبله يعتبر إنه بيسحب نفسه بالتدريج من الحياة القديمة
دفنه راح مستعد = نيفرا راح غير مستعد
طريقته مع نيفرا مش حب طريقته ابتزازيه هو فعلا بيوقعها في فخه إنها ابتدت تحبه وعايزة تتراجع عن أذيته بس مشكلته إنه بيختار أسهل وسيلة بأكبر مصيبه
متعلمش يختار السعي بشكل صحيح عشان كده قلت نيفرا أكبر رسالة جات في حياة فريد
هيتعلم :
*ابتزاز ماهو اللي دمار*ك مش جدعنه
*بتوقع الشخص ضحية لافعالك ومصالحك وهتعرف معني ليك ذنب في اذ*يته
*إنك لو عايز حاجة أعملها بمجهودك بلاش تسرق قلب حد عشان توصل للي عايزه
*بتاذ*ي أكثر قلب بيحتاجك وتبعده عنك عشان مش شايف أخطاءك
مشهد بيلين وسيران الكل متعصب
المشهد هنزلكم صورة من الحلقة 21 وحلقة 54 ونشوف الفرق عشان نفهم رسالة باريش من المشهد
المشهد بيدل على البدايات خدعة سيران كانت فاكرة إن فريد هو الشخص اللي بتحبه ومش عايزة تسيبه يشاء القدر تتغير الشخصيات مع الظروف بقى هو كل غضبها وحزنها وإن الحب لا يكفي
وبيلين كانت بتقولها فريد كل حاجة وإنا كنت حبيبته قبل ما تيجي ويشاء القدر تتغير وتشوف النهاية بنفسها وإن فريد بارادته سابها مش سيران وإنها هي وسيران شافوا نفس المعاناة وهما الاثنين شايفين نفسهم في نيفرا كبداية
بداية جميلة ونهاية فراق وحب مؤلم
وإن سيران تفهم إن بيلين مش حلقة الوصل بينهم ولا عقدتها وتقدر تستوعب وتفهم إيه السبب الحقيقي اللي مخليها هي وفريد مش متفاهمين وعدوهم هو عدم التفاهم
فهمتوا الرسالة ..!! يعني بيعيد نفس مشهد حلقة 21 موازي بيحكوا لبعض ومقهورين على بعض كانوا بيقولوا إيه وبقوا إيه
بالنسبالي حاسه إن سيران هتكون دعم نفسي لبيلين وتخل بيلين تحس بتأنيب ضمير وتحكلها عملت إيه + ساجدة من طرف نوكيت بعتتها ومع الوقت هتحكى لسيران وجولجون حقيقة بيلين .. تمهيد من الكاتب إن بيلين بتودع المسلسل وهينتهي بانتحـ *ارها يا هتسقـ ط وتسافر تتعالج مع أمها
مشهد سيران وجولجون لأزم تفهموا حاجة
سيران عاشت حياة صعبة والطفل اللي بيعيشه بيشربه
بمعنى يعنى بعض تصرفات سيران عدوا*نيه لأنها عاشت الأمور دي فبتتعامل بيها بطريقة مانعاً لنقاش
عقلها كل مرة بيخزن كل حاجة بتعيشها وحشه
لأنها اتعودت إن الحياة بتبعتلها المحزن لا غير
فرد فعلها مع جولجون خلاها افتكرت سونا
كان أولى الرد ده كانت عايزة تقوله لسونا بس هي فين؟ مش موجودة فكان اقرب حد قدامها جولجون فانفجـ رت فيها
زي ما قالت( محتاجة أوقف غضـ ـبي عند نقطة معينه )
*بتحاول تتجنب الشعور بالألم بس لما حد بيفكرها بتعتبره بيهدد عقلها وبالعكس لأزم تكلم وتقول عشان تعرف تتعايش بدون غضـ ـب وعدوا*نيه
سيران بترفض النقاش في حدود معينة وبتمنع عقلها عن التفهم إن من حق الطرف التاني يعبر عن رأيه الخاص طالما الحاجة بتهاجم عقلها غضبها بيسببها خطوة
المهم أورهان دخل المافيا حياتهم من جديد
والما*فيا كانوا سبب في خسارة أهل كاظم
وبكده أورهان فتح باب جهنـ م عليهم من جديد
بمعنى عفريت القديم صحي من تاني
والخيوط هتجيب بعضها
ايفاكات وهاليس وأمين
بالمناسبة صح حاسه إن لطيف مخبي أمين وأن أمين مماتش عشان في راجل ماشي ورا سيران طول الحلقة هنزلكم الصورة (هتقولوا ده لابس لون وده لون هقولكم باريش مبيوضحش حاجة مباشرة يعنى لو أمين فعلا خلاه يغير الجاكت والكاب بس هنلاحظ إن الشخص ده متابعها دائما ) وحساه هو ده السر اللي مخلى لطيف متمسك بهاليس إن أمين بيأمره يحرس أبوه
وأن أمين معاه أسرار ايفاكات وأورهان وهيبقى هو الدعم لسيران عشان هو شخص كويس وشايفها كويسه عشان صريحه وصادقة معرفش توقعي صح ولا لا بس عايزة أقولكم سيبكم من التسريبات باريش داخل على احداث قوية جدا
مشهد الحلم فسر حاجات كتيرة
سونا هتعاني من بيت أل كورهان بس مع الوقت هتقدر تحا*رب لوحدها وتكسب حربها
تعليقات
إرسال تعليق